昌:「阿J蟲偉上網吖嘛，我記得！」

        英:「系喎！好似系J蟲偉佢教阿昌上交友網嘅喎！」

        阿和向媽問起:「咁你估嗰個J蟲偉會唔會知道書柜條鑰匙喺邊呢？」

        詠恩:「和，你想點呀？你唔系想話喺老爺唔知情之下睇佢私人物品下話？好似唔系好道德喎？」

        和:「你估我想嘅咩？我哋要清楚佢嘅意向，要知道佢手上嘅GU票資產點處理？我哋都唔想話做到咁絶，但系如果唔咁做，阿媽同我哋就會被人奪走佢嘅遺產！」

        英:「J蟲偉系最有可能謀住你老爸啲寶貴財產嘅人！」

        和:「阿爸佢根本就系一個徹底失敗者，佢遇人不淑，家產放咗喺外人手上管，又教唆我承認媽媽你出面有外遇，編造咁多呢啲咁嘅故事出嚟，其實做人就系唔化，佢鍾意到處撥火引起事端，想Ga0到家嘈屋閉，系唔系咁樣佢先至覺得安樂呢？嗄？」

        詠恩:「阿和，你有冇諗過，其實老爺都系想引起眾人去關注自己啫，可能我哋真系冷落咗佢……我問你，你有冇顧過佢感受？」

        英:「其實佢有病，我哋都應該多啲關心佢，我哋實在系一家人嚟?！」

        和:「一家人？！……佢將啲財產畀外人管呀！佢有冇當我哋系一家人呀？！」

        【本章閱讀完畢，更多請搜索三五中文;http://www.chinaguangyou.com 閱讀更多精彩小說】